म्यागङका तीन अभियुक्त माथी: जबर्जस्ती करणी र ज्यान मार्ने उद्योग अन्तर्गत अनुसन्धान जारी
- २ भाद्र, २०७९ ०८:१०
- 1463 Views
नुवाकोट ।
जिल्लाको त्रिशूली–देउराली–किम्ताङ सडक खण्ड अन्तर्गतको ३ नम्बर वडा फासाङमा आफ्नो ३ वर्षीय छोरा लिएर बाटोमा हिँडिरहेको अवस्थामा महिलालाई कुटपिट गरी घाइते बनाएको आरोपमा म्यागङ गाउँपालिका २ का २५ वर्षीय भिम तामाङ, १८ वर्षीय किस्मत तामाङ र १८ वर्षीय कमन तामाङलाई जबर्जस्ती करणी र ज्यान मार्ने उद्योग अन्तर्गत अनुसन्धान गरिएको जिल्ला प्रहरी कार्यालय नुवाकोटले जनाएको छ ।
प्रहरीका अनुसार उनीहरुले महिलालाई जबरजस्ती करणी गर्ने प्रयासमा सडकबाट करिब ५ मिटर तल खसालेको र छोरालाई कुटपिट गरी सख्त घाइते समेत बनाएका थिए ।
ती महिला र उनको नाबालक छोरालाई कुटपिट गरेर सख्त घाइते बनाएपछि उनीहरु भागेको आरोप लागेको छ । पक्राउ परेकाहरुलाई नुवाकोट अदालतबाट पाँच दिनको म्याद थप गरी जबरजस्ती करणी उद्योग तथा ज्यान मार्ने उद्योग मुद्दामा अनुसन्धान भइरहेको सूचना अधिकारी एवं डिएसपी रुपक खड्काले बताए ।
सख्त घाइते आमाछोराको काठमाडौमा उपचार भैरहेको छ।