अलकासिम,साउदी अरेबिया।
गन्तव्य स्पोर्टिङ क्लब साउदीले इद अल अधा २०२२ को अबसर पारेर आयोजना गरेको साउदी अरेबिया स्तरिय भलिबल प्रतियोगिता शनिबार सम्पन्न भएको छ। भब्यरुमा समुद-उद्घाटन भएको उक्त खेलको उपाधी नोफा स्पोर्ट्स रियादले जित्न सफल भएको हो भने रियाद स्पोर्ट्स क्लबले उपाबिजेता अर्थात दोश्रोको उपाधी जित्न सफल भएको थियो । त्यसै गरि बाग्लुङ युवा क्लबले तृतीय पुरस्कर जित्न सफल भएका थिए । फैनल म्याचमा रियाद स्पोर्ट्स र नोफा बीच भएको थियो।

खेलको पहिलो सेट रियाद स्पोर्ट्स क्लबले जित्न सफल भए पनि दोश्रो सेट पछी भने खेल को नतिजा उल्टेर तेश्रो पटक सम्म नोफाले जित्न सफल भएर उपाधी जितेको हो।साउदी अरब स्तरीय खेल रहेको उक्त खेलमा साउदी अरबका विभिन्न सहरहरु बाट खेलाडीहरुको उपस्थित रहेको थियो।

साउदी अरब अल कासिम अनैजा स्थित अल नज्मा स्पोर्ट्स क्लबको हलमा उक्त खेल भएको थियो भने नेपाली खेलाडी हरुले व्यवस्थित सुबिधा सम्पन्न हलमा खेल खेल्ने अवसर पनि इतिहासकै पहिलो चोटि पाएको बताएका छ्न । अहिले सम्म नेपाली समजका विभिन्न संघ संस्थाहरुले आयोजना गरिएको खेलमा सुविधा सम्पन्न भएको मैदानमा भने खेल्ने अवसर मिलेको थिएन।

उपस्थित जम्मा १३ टिम मध्ये सम्पुर्ण खेल नकावटको आधारमा खेलाइएको थियो भने आयोजकले निस्पक्ष रुपमा गोला प्रथा मार्फत खेल खेलाईएको थियो । जसले गर्दा राम्रो खेलाडी हरुले आफ्नो खेलको शक्ति प्रदर्शन गर्ने अवसर प्राप्त भयो र खेलाडी हरु सबै जना खुसी र उत्सासी भन्यो। कतिपय खेलहरुमा टाईम शिट बनाउदा आयोजकले आफू खुसी बनाउने गरेकाले खेलाडीहरुले निस्पक्ष रुपमा खेल नभएको गुनासो गर्ने गरेको पाइन्छन ।

उक्त खेलमा अल्कासिम क्षेत्रका पुलिस बृगेडर, बलदियाका उच्च पदाधिकारी,नेपाली राजदुतावास रियादका कार्यवाहक राजदुत,दिलिप पौडेल,जेद्दाका महा-वाणिज्य राजदुत सत्रुघन पोख्रेल ,गैर आबसिय नेपाली संघ मध्य पुर्वका संयोजक राजेन्द्र, गैर आबसिय नेपाली संघ साउदीका सस्थापक तथा ब्याबसायी राजु सैयद, गन्तव्य नेपालका संस्थापक अभियन्ता तथा ब्याबसायी यादब घिमिरे लगायत अन्य ब्यक्तिहरुको उपस्थित रहेको थियो भने। उपस्थित सबै अतिथि गणहरुद्वारा खेल खेलेर उद्घाटन गरिएको थिए।