काठमाडौं ।

लुम्बिनी प्रदेश सरकारले स्वास्थ्य राज्य तथा परिवार कल्याण मन्त्री विमला वली र वाइसियलका नेता एकराज बस्नेतका बीचमा साढे ६ लाख जतिको लेनदेन भएको खुलेको छ।

राज्यमन्त्री वलीमाथि छानबिन गर्न गठित कार्यदलसमक्ष बस्नेतले सोही विवरण प्रस्तुत गरेका छन्। ‘मैले उहाँसँग ६ लाख ४० हजार रुपैयाँ पटकरपटक गरी लिएको थिएँ,’ बस्नेतको भनाइ उद्धृत गर्दै स्रोतले भन्यो, ‘त्यो रकम पनि मैले राज्यमन्त्रीज्यूकै आग्रहमा उहाँकै काममा खर्चिएको हो।’

गत बुधबार तुलसीपुरको एक होटलमा कार्यदलका सदस्यले एकराजलाई बोलाएर घटनाको बारेमा जानकारी लिएका थिए। त्यसक्रममा उनले घटना हुँदा आफू घरमा नरहेको तथा काम विशेषले जिल्लाबाहिर रहेको हुँदा वली एकाएक आफ्नो घरभित्र प्रवेश गरी परिवार र बच्चामाथि गरेको व्यवहारका कारण राज्यमन्त्री सजायको भागिदार हुनुपर्ने माग गरेका थिए।

रकमको लेनदेन आफूले गरेको हुँदा त्यसको जिम्मेवारी आफ्नो हुने भन्दै बस्नेतले राज्यमन्त्री वली घरमै गएर परिवार र छोरीमाथि भएको अभद्र व्यवहारको आपत्ति जनाए।

‘राज्य मन्त्रीज्यूसँग फोन सम्पर्कमा मैले दिनुपर्ने रकम हिसाब गरी घर आएपछि मिलाउँछु भनेको थिएँ,’ एकराजको भनाइ उद्धृत गर्दै स्रोतले भन्यो, ‘तर, उहाँले मेरो विश्वास नै नगरी घरमै गएर उपद्रो मच्चाउनु कति जायज कुरा हो१’

उनीहरूबीच लेनदेनको विषयमा मात्र कुराकानी भएको थियो।राज्यमन्त्री वलीले भने बस्नेतले आफूबाट झन्डै ३५ लाख जति पैसा सापटी लगेको र माग्दा नदिएको भन्ने कुरा चर्चामा छ। तर, राज्यमन्त्री वलीनिकट एक व्यक्तिले पनि एकराजले वलीसँग जम्मा साढे ६ लाख जति मात्र लिएको बुझिएको बताए।

उनले भने, ‘उहाँले वली० सँग मैले केही दिन पहिलेमात्रै एकराजले कति रकम लगेका हुन् भनेर सोधेको थिएँ र त्यसक्रममा राज्यमन्त्री वलीले जम्मा साढे ६ लाख मात्रै रकम लगेको बताउनु भएको हो।’

पछिल्लो समय राज्यमन्त्री वलीले आफूले सापटी दिएको पैसा पटकरपटक माग्दा पनि नदिएको हुँदा बाध्य भएर पैसा माग्न घरै जानु परेको र आफूलाई त्यहाँ षड्यन्त्रपूर्वक फसाउन खोजिएको दाबी गर्दै आएकी छन्।

यद्यपि उनीहरूबीचको प्रेम प्रसंग पनि चर्चाको विषय बन्दै आएको छ।

राज्यमन्त्री वलीमाथि छानबिन गर्न गठित आयोगको टोली तुलसीपुरमा आएर सरोकारवालाहरूसँग छलफलपछि बिहीबार फर्किएको थियो।
आन्तरिक मामिला तथा सञ्चारमन्त्री तिलकराम शर्मा नेतृत्वको उक्त टोली गत मंगलबार दाङको तुलसीपुर आएको थियो।