गजलकार लक्ष्मी स्मृतिको गजल: गरिव,निमुखा बगरमा निदाउँछन् !
- ५ असार, २०७९ १३:२५
- 117 Views
गरिव,निमुखा बगरमा निदाउँछन्।
भगवान उता पत्थरमा निदाउँछन्।
सायद पिरतीमा खडेरी परेर होला
आशिक प्रेमको असरमा निदाउँछन्।
शुन्दरी देख्नै नहुने कसैलाई यहाँ
जुधाएर तिनकै नजरमा निदाउँछन्।
कायापलट गर्छु समाज भन्ने नेता
आँफै बन्छन् र सहरमा निदाउँछन्।
स्मृति खोतली आनन्द मान्नेहरु
अक्सर गरेर सफरमा निदाउँछन्।
– बिराटनगर -०५
तपाईको प्रतिक्रिया