आज नेकपा माओवादी (केन्द्र) इन्द्रावती गाउँपलिका अधिबेशन हुँदै, अध्यक्ष प्रचण्डले भर्चुअल मार्फत उद्घाटन गर्ने
- पिटि अनलाइन न्यूज
- ११ मंसिर, २०७८ १०:०७
- 96 Views
सन्जिब तामाङ,सिन्धुपाल्चोक।
नेकपा (माओवादी केन्द्र) इन्द्रावती गाउँपालिकाको अधिबेशन आज शनिबार इन्द्रावती गाउँपालिका वडा नं १२ भिमटारमा हुने भएको छ । बिहानै देखि सबै वडा बाट नेता तथा कार्यकर्ताहरु अधिबेशन स्थलमा जम्मा भै रहेका छ्न । अधिबेशनका प्रमुख अतिथि नेकपा माओवादीका केन्द्रिय सदस्य तथा पुर्ब प्रदेश मन्त्री युबराज दुलाल हुनु हुने छ ।आजै देशै भरिका ७ सय ५३ वटा स्थानीय तहको अधिवेशन गर्ने भएको छ । माओवादीले सम्पर्क समन्वय समिति र विशेष समितिसमेत गरी कुल ७ सय ७६ वटा पालिका स्तरीय सम्मेलन आयोजना गरेको हो । माओवादी केन्द्रले तत्कालीन नेकपा विभाजनपछि पहिलो पटक राष्ट्रिय सम्मेलन गर्न लागेको हो । आज शनिबार ७५३ वटा स्थानीय तहमा को अधिवेशन गर्ने भएको छ। त्यसबाहेक सम्पर्क समन्वय समिति र विशेष समितिको पालिकास्तरीय सम्मेलन पनि हुँदैछ ।पालिका सम्मेलनको माओवादी अध्यक्ष पुष्पकमल दाहाल ‘प्रचण्ड’ले अपराह्न १ बजे भर्चुअल’ सम्बोधन गर्ने छन् । प्रदेश सम्मेलन २५ मंसिरमा हुनेछ । माओवादीले ११ देखि १३ पुसमा राष्ट्रिय सम्मेलन आयोजना गर्दैछ ।