शुक्रबार सुन २ सयले बढ्यो
- पिटि अनलाइन न्यूज
- १० मंसिर, २०७८ १५:२८
- 62 Views
काठमाडौं।
सुनचाँदी बजारमा साताको अन्तिम कारोबारका दिन आज छापावाल सुनको मूल्य प्रतितोला ९१ हजार नाै सय तोकिएको छ ।अघिल्लो दिन प्रतितोला ९१ हजार सात सयमा कारोबार भएको पहेँलो धातुको मूल्य आज प्रतितोला दुई सयले बढेको हो ।नेपाल सुनचाँदी व्यवसायी महासंघले सार्वजनिक गरेको विवरणानुसार तेजाबी सुनको मूल्य प्रतितोला ९१ हजार चार सय छ जसको मूल्य बिहीबार प्रतितोला ९१ हजार दुई सय तोकिएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु पाँचले घटेर एक हजार दुई सय २५ तोकिएको महासंघले जनाएको छ । साताको पहिलो दिन आइतबार प्रतितोला ९३ हजार सात सयमा कारोबार भएको छापावाल सुन अन्तिम दिन शुक्रबारसम्म आइपुग्दा प्रतितोला एक हजार आठ सयले घटेर ९१ हजार नाै सय पुगेको छ । सार्वजनिक तथ्याङ्कानुसार गत आइतबारका तुलनामा सोमबार प्रतितोला दुई सयले बढेको सुनको मूल्य त्यसपछिका दिनमा लगातार घटेको देखिन्छ ।
महासंघले अन्तर्राष्ट्रिय बजारमा सुनचाँदीका मूल्यमा हुने उतारचडावका आधारमा यहाँ आइतबारदेखि शुक्रबारसम्म प्रत्येक दिन सुन तथा चाँदीका मूल्य तोक्ने गरेको छ ।अन्तर्राष्ट्रिय बजारमा आज सुन प्रतिऔंस एक हजार सात सय ९५ डलर आसपासमा कारोबार भइरहेको छ ।– रासस