सम्झना घिमिरे ,काभ्रे।
काभ्रेको पनौती नगरपालिकाको त्रिबेणी क्षेत्रमा लाग्ने १२ बर्षे मकर मेलालाई व्यवस्थित एवं प्रभावकारी रुपमा सम्पन्न गर्न नगरपालिकाको ब्यबस्थापनमा तिब्र तयारी गरेक छ।

मङ्सिर ३ गते बसेको पनौती नगर कार्यपालिकाको निर्णायानुसार गठित मकर मेला मूल व्यवस्थापन समितिको बैठक अनुसार व्यवस्थापन समिति एवंम् प्रमुख भिम न्यौपाने ज्यूको अध्यक्षतामा नगरपालिकाको हलमा बैठक सम्पन्न भएको छ ।
बैठकले निम्न बमोजिमको समिति गठन गर्ने निर्णय सहित समितिलाई आफ्ना विषय क्षेत्रका आधारमा संयोजक तोक्ने,सचिव कार्यालयका कर्मचारी मध्येबाट र बांकी ५ सदस्य मूल अनुगमन समितिले विषय क्षेत्र तोक्ने व्यवस्था गरेको छ ।
जस अनुसार पुजाआजा,प्रदर्शनी,यातायात,सरसफाई,सांस्कृतिक,प्रच/प्रसार,सजावट,सूचना तथा खोज उद्दार,स्वास्थ्य,स्वयम् सेवक परिचालन,अतिथि सत्कार,मुल्य निर्धारण तथा,बजार अनुगमन,आवास व्यवस्थापन,सुरक्षा व्यवस्था,स्नान व्यवस्था,सडक बत्ति व्यवस्था,खानेपानी व्यवस्था विषयगत समिति रहेका छन् ।

विषयगत समितिले विषयक्षेत्रका आधारमा थप संघ संस्था व्यक्तिलाई आमन्त्रण गर्न सक्ने व्यवस्था समेत गरेको छ ।

विषयगत समितिको कार्य क्षेत्रगत कार्यको योजना तर्जुमा,कार्यान्वयनको प्रभावकारी ढांचा कार्यान्वयन र कार्यान्वयनको लागि आवश्यकता अनुसार सचिवालयलाई सिफारिश गर्न सकिने छ।                                             

मेला मूल व्यवस्थापन समितिले देहायका पदाधिकारी रहनुभएको अनुगमन समिति गठन गरिएको छ । जसमा
प्रमुख मूल व्यवस्थापन समिति संयोजक – संयोजक,उप-प्रमुख मूल व्यवस्थापन समिति सदस्य – सदस्य,प्रमुख प्रशासकीय अधिकृत मूल व्यवस्थापन समिति सदस्य –सदस्य,सचिवालय संयोजक –सदस्य,विशिष्ट आमन्त्रित सल्लाहकार मध्येबाट २ जना –सदस्य,मूल व्यवस्थापन समिति सदस्य मध्येबाट १ जना –सदस्य,विषयगत समिति संयोजकहरु मध्येबाट २ जना सदस्य रहने छ।

त्यसै गरि ९ सदस्यीय मूल व्यवस्थापन समितिले सचिवालय गठन भएको छ । जसमा संयोजक- बरिष्ठ प्रसाशकिय अधिकृत श्री इन्द्र प्रसाद अधिकारी,सदस्य- योजना शाखा प्रमुख श्री इ.प्रेम कुमार सोनाम,सदस्य- लेखा अधिकृत श्री कृष्ण प्रसाद सैंजू,सदस्य- श्री इ.प्रदिप बस्नेत,सदस्य-कर साहायक श्री लक्ष्मण मतान्छे,सदस्य- नायब सुब्बा श्री तिर्थ भक्त स्याउला,स,दस्य- वडा सचिब श्री राजेन्द्र सापकोटा,सदस्य- वडा सचिब श्री रोशन श्रेष्ठ,सदस्य- खरिदार श्री केशब कर्माचार्य रहने छन् ।