ओलीले फुर्ती गर्नुपर्दैन, आगामी चुनावमा एमाले टर्च बालेर नै खोज्नुपर्ने हो : माधव नेपाल
- १३ कार्तिक, २०७८ १६:५१
- 100 Views
नेकपा एकीकृत समाजवादीका अध्यक्ष माधवकुमार नेपालले नेकपा एमालेका अध्यक्ष केपी शर्मा ओलीलाई धेरै फुर्ती नगर्न भनेका छन् ।
शनिबार विराटनगरमा आयोजित शुभकामना आदान प्रदान कार्यक्रममा बोल्दै हिम्मतका साथ ओलीलाई सत्ताबाट भुँईमा पछारेको र अब फुर्ती नगर्न अध्यक्ष नेपालले भनेका छन् ।
अध्यक्ष नेपालले आगामी चुनावमा एमाले टर्च बालेर खोज्नुपर्ने अवस्था आउने पनि दावी गरे । ‘केपी ओलीका मान्छेले फुर्ती गर्नुपर्ने अवस्था छैन । आगामी चुनावमा केपी ओलीको पार्टीलाई टर्च बालेर खोज्नुपर्ने हुन्छ,’ उनले भने ।
एमालेमा विद्रोह सूदूरपश्चिम प्रदेशबाट सुरु भएको पनि अध्यक्ष नेपालले बताए । उनले अहिले सुदूरपश्चिममा नेकपा (एस) पहिलो पार्टी भएको र ओलीको पार्टी भुईँमा पछारिएको पनि बताए ।
सुदूरपश्चिमबाट सुरु भएको विद्रोह कर्णालीबाट हुँदै दुई नम्बर र बागमतीमा देखिएको पनि अध्यक्ष नेपालले बताए । News24 मा प्रकाशित