एजेन्सी।
सुडानको सेनाले प्रधानमन्त्री अब्दल्लाह हाम-डोकलाई उनकै घरमा नजरबन्दमा राखको छ भने मन्त्री र अन्य केही नेताहरु पक्राउ परेका छन्।

सोमबार बिहानै  उनीहरुलाई पक्राउ गरिएको अन्तर्राष्ट्रिय सञ्चारमाध्यमहरुले बताएका छन्।स्रोतलाई उद्धृत गरिएको समाचारमा पक्राउ पर्नेमा उद्योगमन्त्री, सूचनामन्त्री र प्रधानमन्त्रीका मिडिया सल्लाहकार रहेको उल्लेख गरिएको छ।

त्यस्तै सुडानको सत्तारुढ सोभरेन काउन्सिलका प्रवक्ता मोहम्मद अल फिकी सुलिमान र सुडानको राजधानी सहर खार्तोमका गभर्नर पनि पक्राउ परेका छन्। केही सञ्चारमाध्यमले भने सरकारका सबै जसाे मन्त्री पक्राउ परेकाे उल्लेख गरेका छन् ।

अलजाजिराका अनुसार अहिले खार्तोममा सबै सञ्चारका माध्यममा रोक लगाइएको छ। साथै अहिले सहरका प्रमुख सडक बन्छ छन्।

सुडानको प्रमुख प्रजातान्त्रिक राजनीतिक समूह सुडानी प्रोफेसनल एसोसिएसनले यो कदमले सैन्य ‘कू’ भएको स्पष्ट भएको भन्दै मानिसहरुलाई सडकमा आउन आह्वान गरेको छ।