नुवाकोट अमेरिका सम्पर्क समितिले किस्पाङ दुर्घटना मृत्यु भएको तामाङको परिवारलाई र मो सा दुर्घटनाका घाइतेलाई ने रु ५० -५० हजार आर्थिक सहयोग गर्ने
- ८ कार्तिक, २०७८ १०:२६
- 470 Views
नुवाकोट।
नुवाकोट अमेरिका सम्पर्क समिति अमेरिकाले किस्पाङ बस दुर्घटना परि निधन हुनेको परिवार र मोटरसाइकल दुर्घटनामा परी घाइते बिदुर न पा ९ निवासी हरी शरण खड्कालाई आर्थिक सहयोग गर्ने भएको छ।
किस्पाङ बस दुर्घटनामा परी मृत्यु हुने रमेश तामाङको परिवारलाई ने रु ५००००/- र मोटरसाइकल दुर्घटनामा परी घाइते बिदुर न पा ९ निवासी हरी शरण खड्कालाई ने रु ५००००/- सहयोग गर्ने नुवाकोट अमेरिका सम्पर्क समितिका सभापति विज्ञान खनालले जानकारी दिनुभयो।
समितिले किस्पाङ घटनामा मृत्यु हुने ब्यक्तिको परिवारलाई सहयोग गर्न समितिका उपसभापती राम कृष्ण भट्ट र मोटरसाइकल दुर्घटनामा परी घाइते हरी शरण खड्कालाई सहयोग गर्न सभापति खनाललाई संयोजक तोकिएको छ ।
किस्पाङ बस दुर्घटनामा परी गम्भीर घाइते १५ जनालाई जनही २०/२० ने रु आर्थिक सहयोग गर्नको लागी पनी समितिमा पहल गर्ने कुरा सभापति खानलले जोड़ गर्नु भएको जानकारी नेपाली जन सम्पर्क समिती अमेरिकाका नेता धनन्जय नरसिंह केसीले पिटि अनलाईनलाई बताउनु भयो। उक्त दुर्घटनामा ज्यान गुमाउनु भएको मृतक प्रती श्रद्धाञ्जली ब्यक्त गर्दै घाईते प्रती शिघ्र स्वास्थ्यलाभको कामना गर्दै नुवाकोट र नुवाकोटेप्रती आफू र आफ्नो टिम मार्फत सदैब सहयोग गरिरने प्रतिबद्धता समेत सभापति खानलले व्यक्त गर्नुभयो।
समितिले विभिन्न समयमा नुवाकोटमा विभिन्न सहयोग गर्दै आईरहेको छ।
गत कार्तिक १ गते सोमबार बिहान किस्पाङको भुमेस्थानमा भाल्चे हुँदै काठमाडौं आउँदै गरेको बा ४ ख ५७६२ नं को बस दुर्घटना भएको हो । दुर्घटनामा परी १ जनाको मृत्यु भएको छ भने घाइतेसंख्या ५२ पुगेको स्थानीय प्रशासनले जनाएको छ । मृत्यु हुने किस्पाङको रमेश तामाङ रहेको छ।