उज्जवल समाज कल्याण समिति द्वारा नि: शुल्क स्वास्थ्य शिविर सम्पन्न।
- ३० आश्विन, २०७८ १६:५९
- 156 Views
सुबिज राज सेर्पाली सिराहा।
सिराहा २९ असोज गते असत्य माथी सत्यको विजय हासिल गरेकी विभिन्न देवी देवताहरु को शक्ति समाहित दुर्गा आमाकी पुजाको अन्तिम दिन विशेष पुजा आराधनाको साथ उज्ज्वल समाज कल्याण समिति द्वारा एकदिने नि:शुल्क स्वास्थ्य शिविर सम्पन्न भएको छ।
बैदेशिक रोजगारी को क्रममा विभिन्न देशमा छरिएर रहेका प्रदेश नं २ को सिराहा स्थित विष्णुपुर गाउँपालिका वडा नं-४ थल्हा कटहा को युवाहरु द्वारा संचालित उज्जवल समाज कल्याण समिति द्वारा दुर्गा मेलाको महोत्सवमा विशेष कार्यक्रमको साथ एकदिने नि: शुल्क स्वास्थ्य शिविर सम्पन्न भएको हो।
उज्जवल समाज कल्याण द्वारा आयोजित कार्यक्रम मा सहभागी प्रतिनिधि सभा सदस्य श्री राजकिशोर यादव को प्रमुख अतिथ्य तथा प्रदेश सभा सदस्य श्री सुरेश मंडल र गा.पा. प्रमुख तथा वडा नं.-४ को वडा प्रमुख ज्यु को अतिथ्यमा विशेष समारोह गरि संस्थाको कार्यक्रम उदघाटन भएको थियो। लगतै वरिष्ठ डाक्टर सत्यनारायण यादव र व. डा. पारसमणि साहको सहयोगमा मा सहभागी असिस्टेन्ट डाक्टर हरु द्वारा विभिन्न चेक जांच को साथ नि:शुल्क औषधि सहित को सेवा प्रदान कार्यक्रम समेत भएको थियो।
दुर्गा मेला महोत्सवमा आएका श्रदालु भक्तजन सहित स्थानिय वासी सेवाग्राही लाई समेत औषधि उपचार गरि शिविर सम्पन्न भएको थियो।
नव गठित उज्जवल समाज कल्याण समिति ले गाउँ मा भैरहेको र हुन गइरहेको विभिन्न सामाजिक समस्या हरु : सामाजिक भेदभाव, सामाजिक कुप्रथा , सामाजिक विकृती विसंगती अशिक्षा तथा बेरोजगार मा सुधार गर्दै विभिन्न कार्यक्रम द्वारा सचेत नागरिक शिक्षित समाज निर्माण तथा समाज उत्थान मा महत्वपुर्ण भुमिका निर्वाह गर्न यो संस्था संचालनमा लिएको बताईएको छ।