बाल दिवस सन्दर्भ विशेष मुक्तक कार्यक्रमको नतिजा सार्वजनिक
- ४ आश्विन, २०७८ ०५:४५
- 328 Views
दाङ।
नव प्रतिभाको साहित्यिक उत्थान साहित्य समाज घोराही ,दाङ नेपालको आयोजनामा भाद्र २९ गते बाल दिवसको सन्दर्भमा मुक्तक कार्यक्रम आयोजना गरिएको छ।
भाद्र २९ गते देखि ३१ गतेसम्म मुक्तक पठाउने म्याद राखी उत्कृष्ट १५ छनोट गर्ने प्रावधानका साथ कार्यक्रम सञ्चालन गरिएता पनि मुक्तक हामीलाई प्राप्त भएको कमि,मुक्तककै संरचनामा कमिकमजोरीलाई मध्य नजर गरेर निर्णायक समिति र सल्लाहकारहरूको सल्लाह अनुसार उत्कृष्ट १० मुक्तककारको मुक्तक छनोट गारिएको ससंस्थाका सचीव सुरेश थापाले जानकारी दिनुभएको छ।
उत्कृष्ट १० भित्र पर्नुहुने मुक्तककारहरु इस्मिता थापा
खोटाङ,शान्ति लामा “शासा”रामेछाप,सूर्य गिरी माछापुच्छ्रे-५,कास्की,पाेखरा,शरद प्रधानाङ्ग,विराटनगर-७
विमल खरेल,आभाष खड्का बेसहारा माडी १ रोल्पा?
,आई. पि. सापकोटा ” ईश्वर”नवलपुर,कर्ण दयाल
मेलौली ७ , बैतडी,प्रकाश(परिवर्तन) तुर्माखाँद गाउपालिका ५ अछाम र राजन विश्वदिप बारबर्दिया ११ बर्दिया रहेका छन्।
थापाले लगत्तै अर्को कार्यक्रम लिएर आउँदै गरेको जानकारी पनि दिएको छ।
हेर्नुहोस उत्कृष्ट १० मुक्तकहरु
मुक्तक
बा म पढेकै स्कुलमा भाइले किन पढ्न मान्दैन र।
उसले र मैले पाउने अधिकार यहाँ बराबर छैन र।
सगै भात खान बस्दा भाइलाई दुध मलाई तरकारी पर्छ,अझै
यो हामीलाई परिवारले गर्ने बालअधिकार हनन हैन र।
-इस्मिता थापा
खोटाङ
मुक्तक
कसैको कुटपिट अनि दमन सहनु हुन्न
मुटु नै रेट्ने गरि लाएको वचन सहनु हुन्न
कलमको तरवार लिएर उठाैँबालबालिका
अत्ति भयो बाल अधिकार हनन् सहनु हुन्न
शान्ति लामा “शासा”
रामेछाप
मुक्तक
अनाथ टुहुरालाई अवसर दिलाऊ सरकार ,
उत्साह उमङ्ग अनि रहर दिलाऊ सरकार ।
बालबालिका सबै भविष्यका कर्णधार हुन्
बाल हकअधिकार घरघर दिलाऊ सरकार ।
सूर्य गिर
माछापुच्छ्रे-५,कास्की,पाेखरा
मुक्तक
अज्ञान हुन्छ बालबालिका उस्लाई मलजलको खाँचो छ
आखिर बालापन न हो उस्को मस्तिष्क अहिले काँचो छ
कलिला मुनाहरू हुन् सृष्टिका बगानका सुन्दर कोपिला,
भोलीको राष्ट्रशक्ति बन्नुपर्छ उस्ले, हामी सितै साँचो छ।
– शरद प्रधानाङ्ग,विराटनगर-७
मुक्तक
छैन केही रोजगारी न बोकाउनु
पीडै पीडाको भारी न बोकाउनु
सानै छु केहि गर्न सक्दिनँ बाबा
मलाई घरको जिम्मेवारी न बोकाउनु
✍️विमल खरेल
मुक्तक
दस,पाँच रुपैयाँको लागि दिन गनेर बसेका छन्।
हरबखत मालिकको जयहोस भनेर बसेका छन्।
जुन नेताले बालश्रम अन्त्यको भाषण खोकेर गयो।
उसैको घरमा बालबालिका नोकर बनेर बसेका छन्।
आभाष खड्का बेसहारा
माडी १ रोल्पा
मुक्तक
बालबालिका हाम्रा भविष्य हुन् सोच ल्याउनुपर्छ
सडक, पेटी, अनाथ, बालश्रम लाइ हटाउनुपर्छ
यस्तै सोच विचार निरन्तर लिई बढौ तपाई हामी
ओठमा हाँसो ल्याई सबैलाई विद्यालय पठाउनुपर्छ ।
✍️आई. पि. सापकोटा ” ईश्वर”
नवलपुर
मुक्तक
आजका यी साना नानीहरू, भविष्यमा देश हाँक्ने छन् ,
अँध्यारो छिचोलेर पूर्व क्षितिजबाट, विहान डाँक्ने छन्
त्यसैले वालअधिकार सुनिश्चत गर्न कन्जुस नबन सरकार,
देशको सुरक्षार्थ वलिदान गर्नु परे, भोली यिनैले आँक्ने छन् ।।
कर्ण दयाल
मेलौली ७ , बैतडी
मुक्तक
कहिले पुल बोकेर कहिले सडक बोकेर
श्रम गर्नुपर्छ बालकले पटकपटक बोकेर
गिट्टी बोक्छन् किताब बोक्ने हातहरूले
को नै हिँड्छ बालबालिकाको हक बोकेर?
प्रकाश(परिवर्तन)
तुर्माखाँद गाउपालिका ५ अछाम
मुक्तक
भएकै हुन्नन् परिपक्व ठुल्लै भारी ठम्याइदिन्छन्
भएभरको सारा घरको जिम्मेवारी ठम्याइदिन्छन्
यहाँ बाल अधिकारको कुरा गर्दैनगर्नु महोदय ,,
बालकको भबिस्य अन्धकार पारी ठम्याइदिन्छन्।।
✍️राजन विश्वदिप
बारबर्दिया ११ बर्दिया