प्रदेश नं २ समन्वय परिषद कतारको अधिवेशन सम्पन्न, अध्यक्षमा मो.शाकिर अलि
- पिटि अनलाइन न्यूज
- ३ आश्विन, २०७८ १४:५२
- 664 Views
दोहा कतार।
स्वदेश तथा विदेशमा हरेक नेपालीहरुले आयोजना गरिने कुनै पनि औपचारिक कार्यक्रमहरु शुभारम्भ गर्दा भद्र पुर्वक नेपाली राष्ट्रिय गाण वाचन,श्रवण गर्ने गर्छौं। “सयौं फुलका थुङ्गा हामी एउटै माला नेपाली” साथै प्रायः ब्यानरको शिरमा ठूलो अक्षरमा चम्किलो गरेर शब्द लेखिन्छ। “एकता नै ठुलो बल हो” अनेकता बीच एकता नै समाजका बल हुन” इत्यादि लेखिएको हुन्छन्। यद्यपि लेखाइ र बोलाई अनि व्यबहारमा हेर्ने हो भने साच्चै एका देशको कथा जस्तै लाग्छ। अचेल म आफैमा हास्यास्पद, संकोच लाग्छ जब यस्तै कार्यक्रमहरुमा सरिक हुने स्वर्णिम अवसर जुट्छ।
चाहे त्यो वैचारिक, सामाजिक, धार्मिक, संघसंस्था होस अथवा कुनै घर परिवारमा होस् यदि अरुको खुसि, भलाई मिल्छ भने आफ्नो महत्वाकांक्षी इच्छाहरु दबाएर समर्पण गर्नुपर्ने परिस्थिति आउछन् र त्याग गर्न पनि सक्नु पर्दछ। तर विडम्बना नेपाली समुदायमा अचेल यस्तो मुर्ख मनुवा दुर्लभ भैइसक्यो र विरलै पाइन्छ। यहाँ विशुद्ध सामाजिक संस्थाको आवरणमा विभिन्न राजनैतिक आडमा गुटबन्दी, बिभिन्न पक्षधर, मतभेद, पार्टीको शक्तिको दुरुपयोग केन्द्र देखि प्रवास सम्म प्रभाव परेको स्पष्ट नाङ्गो आँखाले देख्न सकिन्छ। आफ्नो केही स्वार्थपूर्तिका निमित्त जब कसैलाई स्थापित र कसैलाई विस्थापित गर्छ गराउने प्रयत्न गर्छन भने परिणाम निश्चयै अफसोस नै आउछन, त्यहीँ बाट मनमुटाव, विद्रोह सृजना हुन्छन्।
यस्तै प्रसङ्गमा निकै अफ्ट्यारो बाध्यात्मक परिस्थितिका बाबजुद गत १७ सेप्टेम्बर २०२१ शुक्रबारका दिन दोहाको क्राउन प्लाजा होटलको सभाहलमा कार्यक्रम संयोजक राम कुमार मण्डलको सभापतित्वमा प्रदेश नम्बर २ समन्वय परिषद कतारको प्रथम महाधिवेशन भब्य रुपमा सम्पन्न गरेको छ। प्रथम अधिवेशनबाट मोहम्मद शाकिर अलिको नेतृत्वमा २१ जनाको नयाँ कार्यसमिति सर्वसम्मत चयन गरिएको छ।
नवकार्यसमिति कार्यकाल २०२१-२३ का पदाधिकारी एवं सदस्यीयहरुको नामावली यस प्रकार छन्।
संरक्षक : राम कुमार मण्डल ( सिरहा )
अध्यक्षः मोहम्मद शाकिर अली ( सिरहा )
उपाध्यक्ष : इसिलाल पण्डित ( महोत्तरी )
उपाध्यक्ष : तेजिलाल मण्डल ( सिरहा )
महासचिव : चन्द्रवीर यादव ( धनुषा )
सचिव : ताजिमुदिन मियां ठकुराई (बारा)
सह सचिव : प्रकाश यादव ( सिरहा )
कोषाअध्यक्ष : मो . ईन्दाज आलम ( रौतहट )
सह कोषा अध्यक्ष : तेजनारायण मण्डल ( सप्तरी )
क्रमश:सदस्यीयहरुमा : मो . मुम्ताज आलम ( रौतहट ), मो . सालिक राजा ( सर्लाही ) लक्ष्मीनारायण मण्डल ( धनुषा ), ओम प्रकाश यादव ( महोत्तरी), घनश्याम चौधरी थारु ( सप्तरी ), जिकरुल्लाह खान ( रौतहट ), मो . सरफराज नैयर ( रौतहट ), अरुण कुमार चौधरी थारु ( सप्तरी ), जय किशोर मण्डल ( सर्लाही), मो . फिरोज (पर्सा), मो . ईमरान खान (रौतहट) असगर अली ( सप्तरी ) का रहेका छन्।
एनआरएनए एनसीसी कतारका प्रथम उपाध्यक्ष जैबि राइको प्रमुख आतिथ्यमा तथा विशेष अतिथिहरुमा प्रवासी नेपाली मञ्च कतारका अध्यक्ष रामहरि गैरे, जनसम्पर्क समिती कतारका उप-सभापती ठाकुर कुमार परियार, नेपाली महिला समाज कतारका अध्यक्ष सरिता भण्डारी पौडेल, विश्व साईकल यात्री यासिन मामा, लगायत व्यवसायीहरु अन्य वैचारिक तथा जिल्ला,सामाजिक संघसंस्थाका अध्यक्ष तथा प्रतिनिधिहरुको विशेष उपस्थिति रहेका थिए।
शुभकामना मन्तव्य राख्दै गर्दा बिशेष अतिथी,अतिथिहरुले उक्त अधिवेशनमा केही असहमति समुहलाई समेत सहमति जुटाएर एउटै मालामा गाँस्न सकेमा प्रदेश नम्बर २ को समृद्धि हुने तर्क राखेका थिए। भने केही अतिथिहरुले राम कुमार मण्डललाई आफ्नै सहयात्रीहरुले अन्याय गरेको, धोका दिएको जिकिर गर्दै कारण यसरी खुलाए सन् २०१९ मा राम कुमार मण्डलको संयोजकत्वमा १५ सदस्यीय तदर्थ समिती गठन गर्नुका साथै सल्लाहकार समिती समेत गठन गरिसकेको हुँदा यस संस्थालाई बैधानिक र आधिकारिक मानिन्छ। तथापि कोभिड- १९ र विभिन्न कारणले बेलैमा अधिवेशन सम्पन्न गराउन नसक्नुको कम्जोरी औल्याउँदै यो अधिवेशन कुनै प्रतिशोधको भावनाले व्यक्ति विशेष नभई संस्थालाई निकास दिन बैधानिक रुपमा जिवित राख्नको निमित्त जुझारु समिती गठन गरिएको धारणा राख्दै सर्वसम्मत निर्वाचित सम्पुर्ण कार्यसमितिलाई बधाई तथा शुभकामना दिए।
कार्यक्रममा सम्बोधन गर्दै कार्यक्रमका सभापति राम कुमार मण्डलले उपस्थिति सम्पुर्णलाई धन्यवाद दिनुभयो। उहाँले भन्नू भयो आफु अस्वस्थ भैइ अस्पतालमा उपचारत रहेको अबस्थामा मौका छोपी अरुले उचालेको भरमा संस्थापक सदस्यहरु लाई समेत कुनै जानकारी नै नदिई आफुखुसी अर्को तदर्थ समिति गठन गर्नु बिश्वास घात हो। यो अति दु:खत क्षण रहेको बताउदै आफुले एकजुट भएर जान चाहेर पनि नसकेको र अधिवेशनमा अन्तिम समय सम्म आउनुहोस् मिलेर जानुपर्छ भनेर समन्वय आग्रह गरेको हो तर सहमत हुनु भएनन्। अझै पनि स्वागत छ आफ्नो दम्भ अहंकार त्यागेर निस्वार्थ भावनाले आउनु हुन्छ भने हामी आधिकारिक संस्था हौं मिलाउने कोसिस गर्नेछौं समेटेर जानेछौ।
विधिवत रुपमा राष्ट्रिय गाण वाचन,मैन दीप प्रज्वलन, व्यानर अनावरण गरि,२ चरणमा संचालन गरिएको औपचारिक कार्यक्रम सचिव तेजी लाल मण्डलले संचालन गर्नु भएको थियो भने त्यसैगरि प्राविधिकमा इन्दाज आलमले साथ दिनु भएको थियो। साथै सम्मान कार्यक्रम समेत रहेका थिए।
कार्यक्रमको अन्तमा कार्यकाल २०२१-२३ का लागि नव निर्वाचित अध्यक्ष मो.शाकिर अलिले कार्यक्रम सफल बनाउन प्रत्यक्ष अप्रत्यक्ष सहयोग पुर्याउने सबैप्रती तथा उपस्थित अतिथिहरुलाई बिशेष धन्यवाद दिनु हुँदै प्रदेश नम्बर २ अन्तरगर्त पर्ने सबै जिल्लाहरुलाई समेटेर अन्य संस्थाहरु संग भाईचाराको सम्बन्ध, सद्भावलाई प्रगाढ गर्ने, सामाजिक सहकार्य गर्दै अघि बढ्ने प्रतिबद्धता जनाउँदै नयाँ कार्यसमितिलाई बधाई तथा शुभकामना दिदै कार्यक्रम समापन भएको घोषणा गर्नु भएको थियो।
अर्को गजबको कुरा यसै संस्थाका पुर्व तदर्थ कार्यसमितिका केही फरक धारका पदाधिकारीले गत २०२१ अगस्ट १४ तारिख मात्रै नियाज शेखको संयोजकत्वमा सर्वसम्मतमा तदर्थ समिती गठन भैइसकेको र अधिवेशन गर्ने तरखरमा रहेका भन्ने समाचारहरु पढिसकेका छौं।