विवेकशील साझाको नुवाकोटमा एमसीसी विरुद्ध प्रदर्सन
- ३१ भाद्र, २०७८ २०:०५
- 290 Views
नुवाकोट ।
बैकल्पिक राजनीति पार्टी विवेकशील साझा पार्टी नुवाकोटले मिलेनियम च्यालेन्ज कर्पोरेसन (एमसीसी) विरुद्ध विदुरमा प्रदर्शन गरेको छ ।
उक्त प्रदर्सन विवेकशिल साझा पार्टी नुवाकोटको विदुर कार्यालयदेखि लोकतान्त्रिक चौतारामा पुगेर सभामा परिणत भएको थियो ।
सभालाई सम्बोधन गर्दै पार्टीका जिल्ला संयोजक दामोदर नेपालले एमसीसी राष्ट्र र राष्ट्रियता हित विपरित रहेकाले विरोध स्वरुप प्रर्दशनमा उत्रिएको बताए । एमसीसीविरुद्ध विरोध प्रर्दशन राजनैतिक दल विशेष मुद्दा नभई समाज र आम नेपालीको मुद्दा भएको बताए । वैदेशिक प्रभुत्व नेपालमा बढिरहेको हुनाले यसको न्यूनीकरण र हामी आफ्नो खुट्टामा कसरी उभिने भन्ने चेतना हरेक क्षेत्रबाट आउनुपर्ने धारणा व्यक्त गरे । सरकारले संघिय संसदबाट एमसीसीलाई पास गर्ने लक्ष्यलाई रोक्नको लागि आवाज बुलन्द पार्नको लागि नुवाकोटबाट आवाज उठाएको बताए । एमसीसी सम्झौताका केही शर्तहरू अत्यन्त आपत्तिजनक एवम् नेपालको राष्ट्रिय स्वाभिमान र हित प्रतिकुल रहेकाले संशोधनबिना नै पारित गर्न नहुने धारणा राखे ।
प्रदर्शनकारीले राष्ट्रघाती एमसीसी परियोजना “एमसीसी सम्झैता खारेज गर, गो ब्याक एमसीसी लगायतका ब्यानर र नारासहित उत्रिएका विसाकाका कार्यकर्ताहरुले प्रर्दशन गरेका थिए ।
विसापाले देश भर एमसीसी विरुद्ध आबाज प्रदर्सन गर्दै आईरहेको छ।