युवा नेतृ अमात्यको काङ्ग्रेस विदुर नगरपालिका सभापतिमा उम्मेदवारी
- २९ भाद्र, २०७८ १९:२७
- 1298 Views
नुवाकोट।
नेपाली कांग्रेसको आसन्न १४ औ महाधिवेशनको लागि आसन्न गाउँ/नगरपालिका अधिवेशनको लागि नुवाकोटकी सक्रिय युवा /महिला नेतृ तथा समाजसेवीका गीता अमात्यले काङ्ग्रेसको विदुर नगर सभापतिमा उम्मेदवारी घोषणा गरेकी छिन् ।
यही असोज ९ गते हुन गईरहेको गाउँ/नगरपालिका अधिवेशनमा नेपाल महिला संघकी नेतृ ,नुवाकोट उद्योग बाणिज्य संघकी बरिस्ठ उपाध्यक्ष , नुवाकोटको सामाजिक अभियानमा सक्रिय तथा गत स्थानीय चुनावमा विदुर नगरपालिकाको उपमेयरको प्रत्यासी समेत रहेकी अमात्यले विदुर नगरपालिकाको काङ्ग्रेस सभापतिमा उम्मेदवारी घोषणा गरेकी हुन्।
काङ्ग्रेसले नुवाकोटमा असोज ९ गते पालिका अधिवेशन, प्रदेशसभा क्षेत्रीय अधिवेशन ११ असोजमा, एक मात्र प्रतिनिधिसभा जिल्ला अधिवेशन असोज १३ मा , एकभन्दा बढी भएका जिल्ला असोजको १६ गते प्रस्ताव गरिएको छ । यस्तै प्रदेश अधिवेशन १०–१२ कात्तिकमा र केन्द्रीय महाधिवेशन ९–१३ मंसिरमा गर्ने निर्णय गरेको थियो।
नुवाकोटमा वडा अधिबेशन पछि नेतृत्वमा आउन चाहने नेता कार्यकर्ताको चहलपहल बढीरहेको बेला विदुर – २ बाट क्षेत्रीय प्रतिनिधिमा निर्वाचित सामाजिक अभियान तथा काङ्ग्रेस राजनीतिमा सक्रिय युवा/महिला नेतृ अमात्यको नगर सभापतिमा उम्मेद्वारी आएको हो ।
राम्रो काम गर्ने जो कोहिलाई समर्थन गर्दै गलतलाई गलत भन्दै सदैब बिरोध गर्ने बताउदै पछिल्लो समय विदुर नगरपालिका देखिएको अनियमितता तथा बेथिति विरुद्ध कडा रुपमा प्रस्तुत हुन एउटा सकारात्मक प्रतिपक्षीको भुमिका निर्वाह गर्न आफ्नो सभापतिमा दाबी रहेको पिटि अनलाईनलाई बताए। उनले नगर सभापतिमा चुनिएमा नगरपालिकाको अनियमितता र योजना फरफराकका विषयमा खबरदारी गर्ने, प्रतिपक्षीले निभाउनुपर्ने सकारात्मक भूमिकाका विषयमा वडाध्यक्षहरुसँग छलफल गरि अघि बढ्ने जनाए।
नुवाकोटमा सामाजिक अभियानका साथै काङ्ग्रेस राजनीतिमा सक्रिय उनले अवको काङ्ग्रेस नेतृत्वमा युवा आवश्यकता रहेको बताउदै गुट ,उपगुटमा छरेर रहेका नेता तथा कार्यकर्ता एक बनाउदै अघि बढ्ने बताए।
बिपि कोइराला ,गणेशमान सिंह , गिरिजा प्र कोईराला लगायत नेताहरुलाई आफ्नो आदर्श मान्ने अमात्यले विदुरका अग्रज नेता तथा युवाहरुको आफू प्रती ठूलो सद्भाव रहेको भन्दै सबैले साथ दिने बिश्वास गरेकी छिन् । उनलाई कांग्रेसका सह-महामन्त्रि डा. प्रकाशरण महत, प्रतिनिधिसभाका सांसद वहादुरसिंह लामा र बाग्मति प्रदेशसभाकी सांसद कल्पना नेपाली लगायतले सर्मथन गरेका छन्।