गैंडाकोटमा ट्रक र बस ठोक्किंदा ३ जनाको मृत्यु २४ जना घाइते
- २९ भाद्र, २०७८ ०८:२६
- 171 Views
नवलपुर।
गैंडाकोटमा यात्रु बस र ट्रक एकआपसमा आपसमा ठक्कर खाँदा तीन जनाको मृत्यु भएको छ ।उक्त दुर्घटनामा २४ जना घाइते भएका छन् ।
गैंडाकोट नगरपालिका वडा नं. १० स्थित २३ स्मृति पुल नजिकै सुदूरपश्चिम प्रदेश ०२–००१ ख ११२३ नम्बरको बस र विपरीत दिशाबाट आउँदै गरेको ना ६ ख ७१२६ नम्बरको ट्रक मंगलबार बिहान चार बजेतिर ठोक्किएका हुन् ।
दुई महिला र एक पुरुषको मृत्यु भएको जिल्ला प्रहरी कार्यालय नवलपुरले जनाएको छ।दुर्घटनामा गम्भीर घाइते भएका उनीहरुको नयाँ मेडिकल कलेज भरतपुर चितवनमा उपचारको क्रममा मृत्यु भएको हो ।मृतकहरुको परिचय खुलेको छैन ।
प्रहरीका अनुसार दुर्घटनामा २४ जना घाइते भएका छन् । घाइतेहरुको नयाँ मेडिकल कलेज भरतपुरमै उपचार भैरहेको छ ।
तपाईको प्रतिक्रिया