आभा/खमिस क्षेत्रमा सेप्टेम्बर २४ मा राहदानी नवीकरण शिविर हुँदै
- २९ भाद्र, २०७८ ०५:४०
- 484 Views
जेद्वा,साउदी। नेपाली महाबाणिज्य दूताबास जेद्दाले आभा/खमिस, जिजान, बेस, अबु अरिस, द्रब, साबिकया, नजरान, बिसा, अल-बाहा तथा अन्य पश्चिमी दक्षिणी क्षेत्रहरुमा हुने नेपालीहरुका लागि राहदानी नवीकरण सम्बन्धी एक सूचना जारी राहदानी नवीकरण लागि अस्थायी शिविर संचालन गर्ने जानकारी दिएको छ।
महाबाणिज्य दुताबासको कार्यक्षेत्रभित्र रहेको उक्त क्षेत्रहरुमा रहनुभएका नेपाली नागरिकहरुलाई राहदानी नवीकरण सहजीकरणका लागि नियोगको टोली देहाय बमोजिमको तालिकामा उक्त स्थानमा जाने कार्यक्रम तय गरिएको छ।
मिति/स्थान/समय
शुक्रबार- ८ असोज २०७८ (२४ सेप्टेम्बर २०२१)
आभा/खमिस- स्थान पछि जानकारी गराइने
समय- बिहान ८ बजेदेखि दिउँसो २ बजेसम्म
पासपोर्ट नवीकरणका लागि आउँदा अनिवार्यरुपमा ल्याउनुपर्ने कागजातहरु र लाग्ने दस्तुर देहाय बमोजिम रहेको छ।
१. सक्कल पासपोर्ट र सोको प्रतिलिपी
२. नागरिकताको प्रतिलिपी
३. राहदानी नवीकरण दस्तुर: साउदी रियाल २००/- र हराएको/बिग्रिएको/च्यातिएकाको लागि साउदी रियाल ४००/-
दूतावासले राहदानी आवेदन दिनका लागि आफ्नो नाम समावेश गर्नहुन एवम् थप जानकारीका लागि देहाय बमोजिमका सम्पर्क नम्बरहरुमा सम्पर्क गर्नुहुन अनुरोध गरेको छ।
१. ०५५९६८०२५३/ ०५३८५०२१९२ (नियोग )
२. ०५३६८९९५७८ (आभा/खमिस, नजरान, बिसा, अल-बाहा तथा अन्य पश्चिमी दक्षिणी क्षेत्र)
३. ०५०७०८५२९७ (जिजान, बेस, अबु अरिस, द्रब, साब्या) कोभिड-१९ संक्रमणको परिस्थितिमा आवेदन संकलनका क्रममा सम्पूर्ण स्वास्थ्य सूरक्षा मापदण्डको पालना गर्नुहुन सबैमा दूतावासले अनुरोध गरेका छन्।