उचाई ५१ सेन्टिमिटर र तौल २८ किलो रहेको विश्व कै होचो गाई बंगलादेशमा
- ६ भाद्र, २०७८ ०८:५६
- 387 Views
एजेन्सी।
बंगलादेशमा भेटिएको रानी नामको गाई विश्व कै होचो गाई मानिएको छ। २३ वर्षीय यो भुटानी गाई केवल ५१ सेन्टिमिटर अग्लो छ र यसको तौल २८ केजी मात्रै रहेको छ ।
ढाका नजिकै चरिग्राम फार्ममा रहेको यस गाईलाई हेर्न १५ सय व्यक्ति पुगिसकेका छन् । यस फार्मका व्यवस्थापक हसन हाउलाडरले रानीलाई विश्वको सबैभन्दा सानो गाईका रुपमा दर्ता गर्न गिनिज बुक अफ वल्र्ड रेकर्डमा निवेदन पनि दिइसकेका छन् ।
अहिलेसम्म विश्वकै सानो गाईको कीर्तिमान भारतको मनिकयामका नाममा रहेको छ ।यो गाई खुरदेखि नाप्दा ६१ दशमलव १ सेन्टिमिटर अग्लो रहेको छ ।
एजेन्सीको सहयोगमा
तपाईको प्रतिक्रिया