एनआरएनए एनसीसी साउदीको अध्यक्षमा श्रेष्ठ र यादवको उम्मेदवारी,अध्यक्ष बाहेक सबै उम्मेदवार निर्विरोध
- ६ श्रावण, २०७८ १३:३३
- 954 Views
दम्माम।
गैर आवासीय नेपाली संघ राष्ट्रिय समन्वय परिषद (एनआरएनए एनसीसी ) साउदीको आठौं राष्ट्रिय महाधिबेशन बाट २०२१-२०२३ कार्यकालको लागि बर्तमान उपाध्यक्ष रोशन कुमार श्रेष्ठ र प्रमुख सल्लाहकार डम्बर यादवले अध्यक्षता उम्मेदवारी दिएका छन् । निर्वाचन समितिको उम्मेदवारी लिस्ट अनुसार अध्यक्ष बाहेक अरुपदमा निर्विरोध विजयी हुने देखिएको छ।
२०२१-२०२३ कार्यकालको लागि एनआरएनएको साउदीको बिधानको दफा १३.१मा रहेका पदिय प्रावधान बमोजिम उम्मदेवारीहरू आह्वान गरिएकोमा निर्धारित मिति १४ जुलाई सम्ममा प्राप्त उम्मेदवारीहरूको पहिलो सूची प्रकाशन गरिएको निर्वाचन समिति आठौं राष्ट्रिय महाधिवेशन ,गैर आवासीय नेपाली संघ, साउदी अरबले जनाएको छ ।
समितिका अनुसार पुर्ब प्रकाशित निर्बाचन कार्य तालिका बमोजिम प्राप्त उम्मेदवारी हरूको उपरोक्त प्रथम सूचीमा १९ जुलाई बेलुकी ८.०० बजे भित्रमा दावी, बिरोध नपरेको र उम्मेदवारहरुको अन्तिम सूचि २५ जुलाईमा प्रकाशित गरिने जनाएको छ । निर्वाचन समितिका अनुसार आईसीसी सदस्य २ सिटको उम्मेदवारीमा तेज थापा मात्रको उम्मेदवारी परेको जनाएको छ। त्यसै गरि एनसिसिअध्यक्षमा डम्बर कुमार यादव र रोशन कुमार श्रेष्ठ को उम्मेदवारी परेको छ।वरिष्ठ उपाध्यक्षमा ध्रुब रिजालको मात्र उम्मेदवारी परेको छ। उपाध्यक्षमा रबिना अर्याल ,राम बहादुर क्षेत्री ,अर्जुन थापा र भक्त बिर राईको उम्मेदवारी परेको छ ।महासचिवमा उमेश भट्टराई ,सचीवमा कृष्ण कुमार श्रेष्ठ,सह कोषाध्यक्षमा सत्य केसी , सदस्यहरुमा शुक्र लामा, मुकेश कुमार शिह ,मधु सुदन अर्याल ,नरेश कुमार यादव र गणेश अर्याल उम्मेदवारी परेको छ।
केही पदमा उम्मेदवारी परेको छैन जस अनुसार आइसिसी सदस्य २ जनाको पदमा एक मात्र उम्मेदवार परेको छ। कोषाध्यक्ष ,महिला संयोजक,युवा संयोजक र सदस्यहरुमा २ जनाको उम्मेदवारी परेको छैन।
निर्वाचन समितिको उम्मेदवारी लिस्ट अनुसार अध्यक्ष बाहेक अन्य पदमा निर्विरोध हुने देखिएको छ। अध्यक्षमा पनि सहमति हुने प्रयास गरिरहेका एनआरएनएन साउदीका बारे जानकार नाम उल्लेख नगर्ने सर्तमा एक सदस्यले पिटि अनलाइलाई बताए ।
अन्य देशको एनआरएनए चुनावमा राजनीति हावी भइ एक आपसमा भिडन्त समेत हुने गरेकोमा साउदीमा शान्त देखिएको छ।