गजल – ज्योतिष बा !म के दिउँ
- २८ असार, २०७८ २१:४९
- 398 Views
जोखना हेर्नुस् न चामल पनि छ जोखनाको लागि
ज्योतिष बा ! म के दिउँ उनलाई सम्झनाको लागि।
नाक कान बुच्चै बनाएर निकालिदिन्छन् घरबाट
कत्तिले यसरी नै सासू पालेकाछन् गहनाको लागि ।
कि छोरी जन्मनासाथ दाइजो कमाउन सुरु गरौं
कि प्रतिकार गर्न सक्ने बनाउँ यातनाको लागि।
ऊ चोकमा बसेर चिच्याइ – चिच्याइ रोइरहेकोछ
आफैले आफैलाई चिमोटेर समवेदनाको लागि।
त्यही सुचना पाटी हुँदै बहिनीलाई कोठी पुर्याइयो
त्यहीँ बहिनीको फोटो छ हराएको सुचनाको लागि।
अम्बिका कार्की
चितवन
तपाईको प्रतिक्रिया