युवाहरुको पहलमा भोटसिपा स्वास्थ्य चौकीलाई स्वास्थ्य सामाग्री हस्तान्तरण
- १ असार, २०७८ २०:११
- 179 Views
भोटसिपा,सिन्धुपाल्चोक।
नेपाल सरकार स्वास्थ्य तथा जनसंख्या मन्त्रालयको सहयोग तथा राष्ट्रिय युवा संघ नेपालका केन्द्रिय सचिवालय सदस्य आदिवासी जनजाति महासंघका केन्द्रिय सदस्य एवं समाजसेवी लायुर लामा, रबिलोचन भट्टराई ,राजन भट्टराई ,शंकर घिमिरे ,मनोज नेपाल लगायतको विषेश पहलमा भोटसिपा स्वास्थ्य चौकीलाई मंगलबार स्वास्थ्य सामाग्री हस्तान्तरण गरिएको छ ।
इन्द्रावती गाउँ पालिका वडा नं १० का जनप्रतिनिधि तथा भोटसिपा स्वास्थ्य चौकिका प्रमुख , स्थानीय बुद्धिजिवि, स्थानीय नेता लगायतको उपस्थितिमा स्वास्थ्य सामाग्री हस्तान्तरण गरिएको हो । अक्सिजन सिलिन्डर ३, थर्मल गन ३,एन्टिजेन कीट ५० पिस,पिपिइ सेट ५ पिस,फेस सिल्ड १० पिस,गम बुट ३ सेट अक्सिजन कन्सन्टेटर १ सेट, सिरिन्ज पम्प, माक्स,गाउन ५ सेट लगायत स्वास्थ्य सामाग्री हस्तान्तरण गरिएको पिटि अनलाइन संग कुरा गर्दै रबि लोचन भट्टराईले बताउनु भएको छ ।
समाज सेवी युवा रबिलोचन भट्टराईका अनुसार इन्द्रावती गाउपालिकामा पछिल्लो समय कोरोनाको कहर बढ्दै गएको र यसलाई रोकथामको लागि स्वास्थ सामाग्री स्वास्थ चौकिलाई उपलब्ध गराउएको बताउनु भयो। जटिल उपचारका लागी सिन्धुपाल्चोक का जनतालाई धुलिखेल हस्पिटल र राजधानी काठमाडौं पुग्नु पर्ने बाध्यता रहेको छ।
उक्त स्वास्थ सामाग्री हस्तान्तरण कार्यक्रममा सम्पुर्ण सहयोगि युबाहरुलाई जनप्रतिनिधि इन्द्रावती गाउँ पालिकाका वडा नं १० का वडा अध्यक्ष जीवन मगरले सहयोगी युवाहरूलाई धन्यवाद दिनु भएको थियो।