बैतडीमा वडा सदस्यको शब बोकेको जिप दुर्घटना हुदा ५ जनाको मृत्यु
- २१ बैशाख, २०७८ १७:५३
- 167 Views
बैतडी।
बैतडीको पंचेशश्वरमा जिप दुर्घटना हुदा ५ जनाको मृत्यु भएको छ। मृत्यु हुनेमा पंचेश्वर-६ का ५० बर्षिय जीतसिंह भण्डारी, ३० बर्षिय डम्बर भण्डारी, ४० बर्षिय दिपक भण्डारी ,२७ बर्षिय हिक्मत भण्डारी र जिप चालक तेजबहादुर बोहराको मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले जानकारी दिए।दुर्घटनामा परि ५ जना घाईते भएको भट्टले बताए ।
पंचेश्वर-६ का वडा सदस्य गोबिन्द सिंह भण्डारीको गए राती चट्याङ् लागेर मृत्यु भएपछि उनको शब बोकेर सदरमुकाम आउदै गरेको से १ ज १८३ नं को जिप दुर्घटनामा परेको हो। देहिमाण्डौ-गिरेगडा सडकको पंचेश्वर-६ स्थीत गडमेश्वर मन्दिर नजिक दुर्घटना भएको प्रहरीले बताएको छ।दुर्घटनामा घाईते भएकाहरुलाई जिल्ला अस्पताल बैतडी ल्याईदैछ। दुर्घटनामा परेका चालक सहित थप दुई जना गम्भीर घाईते रहेको प्रहरीले जनाएको छ।