मगर संघ साउदीले ३९ औं मगर एकता दिवस मनायो ,बिदाई तथा आर्थिक सहयोग गर्दै
- १५ फाल्गुन, २०७७ ०१:३५
- 972 Views
सुबिन सेर्पाली/ दम्माम।
नेपाल मगर संघ प्रवास शाखा साउदीले ३९ औं मगर स्थापना दिवस रोल्पाका विद्यालय लाई ५० हजार सहयोग गर्दै मनाएको छ।
आज शुक्रबार २६ फेब्रुअरीको दिन नेपाल मगर संघ , साउदी अरबले औपचारिक रुपमा ३९ औ मगर स्थापना तथा एकता दिवस साउदी अरबमा मनाएको हो।
मगर संघ ३९ औं स्थापना दिवस पारेर रोल्पा जिल्ला , थबाङ गा पा-३, मिरुल भित्रबन स्थित (श्री लुजा ओइबारी प्राथमिक बिद्यालय) लाई रु ५०,०००/ आर्थिक सहयोग समेत गरेको छ।
संघका कार्यबाहक अध्यक्ष बम थापा मगरले संघका उपाध्यक्ष रोल्पाली चुन बुढा मगरलाई सहयोग रकम हस्तान्तरण गर्नु भएको मगर संघका प्रवक्ता रमेश बुढा मगरले पिटि अनलाइन संग बताउनुभएको छ।प्रवक्ता बुढा मगरले रोल्पा थबाङ गाउँपालिका ओइबारी प्राथमिक विद्यालय परिवार र स्वयम आफ्नो तर्फबाट साउदी अरब मगर संघ परिवारलाई पिटि अनलाइन मार्फत हार्दीक धन्यवाद ज्ञापन गरेका छन् ।
अर्का रोल्पाली भुमिले जन्माएको बौद्धिक व्यक्तित्व ,सामाजिक अभियन्ता,विभिन्न संघ संस्थामा आबद्ध ,सहयोगी मनका धनी,संघ साउदीका सक्रिय सदस्य चक्र पुन मगरलाई बिदाई तथा मायाको चिनो सम्मान पत्र हस्तान्तरण गर्दै बिदाई गरेको छ।
चक्र पुन मगर दिन दुखिहरुको लागि असायहरुको लागि निरन्तर मानव सेवामा समर्पित एक होनहार युवा सामाजिक अभियन्ता हुन।पुन लामो समय साउदीको बसाईलाई बिट मार्दै केही दिनमा नेपाल जाँदै हुनुहुन्छ ।