@पिटि अनलाइन न्युज
साउन ११ , नुवाकोट

विदुर नगरपालिका वडा न १ का पाठेघर क्यान्सर पिडित ४८ बर्षीय गीता खड्कीलाई १ लाख ६ हजार ५ सय ५१ सहयोग प्राप्त भएको छ

त्रिशुलीका अभियन्ताहरु आमाछोरी सेतिमाया तामाङ बुढाथोकी र बर्षा बुढाथोकी ,महेन्द्र श्रेष्ठ, प्रतिभा खड्काको बिशेष पहलमा बिदेश, तथा स्वदेश नेपालको विभिन्न जिल्लाका मनकारी सहयोगी दाताहरुबाट आर्थिक सहयोग प्राप्त गरेको थियो ।

अत्यन्तै निम्न स्तरीय परिवारको खड्कीको उपचार लागि आमा सेतिमाया तामाङ बुढाथोकीकि पहलमा ३९ हजार २ सय १० तथा छोरी बर्षा बुढाथोकीकि पहलमा ३८ हजार २ सय ७० गरि ७७ हजार ४ सय ८० तथा युवा अभियन्ता महेन्द्र श्रेष्ठको पहलमा २९ हजार ५ सय ५१ गरि १ लाख ६ हजार ५ सय ५१ रुपैया सहयोग हिजो साउन १० गते हस्तान्तरण गरेका हुन ।

सहयोग रकमबाट १७ हजार ९ सय ७९को खाद्यान्न सामान र बाकी ५९ हजार ८ सय ६१ नगद संबंधित बिरामि खड्कीलाई हस्तान्तरण गरेका अभियन्ता सेतिमाया तामाङ बुढाथोकीले जानकारी दिएकी छिन । बुढाथोकीले भनिन हामी त एक माध्याम मात्रै हौं, वास्तविक सहयोगी तपाईंहरु हुन ज-जसले यस अभियानमा हातेमालो गर्न सहभागी हुनुहुन्छ उहाँहरु बास्तबमै धन्यवादका पात्र हुनुहुन्छ । हजुरहरुले पठाउनु भएको सहयोग रकम पारदर्शी ढङ्गले बिरामी समक्ष पुर्‍याएका छौं । अर्को एकजना यस्ता सहयोगी पनि आउनु भो, जस्ले मेरो बैंक खातामा रु, २ हजार रकम पठाइ दिनु भो, तर उहाँले आधिकारिक रुपमा मैले पठाएको भनेर मलाई जानकारी दिनु भएको छैन तथापि तपाई जो हुनु भए पनि हजुरको सहयोग रकम सम्बन्धित बिरामी सम्म पुर्‍याइ दिने काम गरेको छु, यहाँहरु सबै जना प्रती हार्दिक आभार प्रकट गर्दछौं।

महेन्द्र श्रेष्ठको पहलमा संकलन भएको रु, २९ हजार ५ सय ५१ रुपैयाँ पनि केही समय पहिला पीडिलाई हस्तान्तरण गरेका थिए । वडाको पहलमा १ लाख २० हजारको बिमा पनि गरेको अभियन्ता महेन्द्र श्रेष्ठले पिटि अनलाइन न्युजलाई जानकारी दिए।

गरिब परिवारकि खड्कीका श्रीमान दिल कुमार खड्की लोकल माईक्रो बस चालक हुन। कोरोना माहामारीले उहाँको काम बन्द भए पछि श्रीमतीको उपचार मात्र होइन गाँस को समेत धौधौ अबस्थामा गुज्रिरहेएको थियो ।
जुन दयनीय अबस्थालाई मध्ये नजर गर्दै पिटि अनलाईन न्युज ले केही समय अघि क्यान्सर पीडित गीता खड्कीलाई उपचार गर्न आर्थिक सहयोगको अपिल शिर्षकमा समाचार प्रकाशित गरेका थिए । सो समाचारको आधारमा प्रभावित हुँदै आर्थिक सहयोगमा सहयोगी भुमिका खेलेको अभियन्ता  श्रेष्ठले बताए।

पिटि अनलाईन न्युज परिवार सबै सहयोगि दाताहरु तथा अभियन्ताहरु प्रती हार्दिक धन्यवाद ब्यक्त गर्दै बिरामीको शिघ्र स्वास्थ लाभको कामना गर्दछौ।