@पिटि अनलाइन खबर
रियाद/ ३१ असार
साउदी अरेबियाको रियादको बदिया स्थित जहरान कम्पनिमा बिगत १४ महिनादेखि काम गर्दै आएकी रुकुमकी सीता परियारलाई “जहा नेपाली त्यँहा सिटी एक्सप्रेस”  सिटी एक्सप्रेसले आर्थिक सहयोग गरेको छ ।

वैदेशिक रोजगारीको सिलसिलामा  साउदी पुगेकी परियारको अचानक दुबै आँखाले काम गर्न छोडेपछि समस्यामा परेको हो। उपचार गर्न आर्थिक अभाब रहेको कुरा विभिन्न माध्यमबाट थाहा  पाएपछि सिटी एक्सप्रेस साउदी अरबले सहयोग गरेको हाे । उपचार अभावमा छट्पटी रहेकी सिताले सिटि एक्सप्रेसले गरेको सहयोगले आफुलाई राहत महशुस भएको बताउदै अन्तरआत्मा देखि धन्यवाद व्यक्त गरेको कुरा अन्तर संस्था समन्वय समिति रियादका अध्यक्ष अमृत पौडेलाले जानकारी गराउनु भयो ।

परियारको उपचारमा धेरै खर्च लाग्ने हुदा सहयोग स्वरुप सिटी एक्सप्रेसले नगद बिस हजार (२०,०००) नेपाली रुपिया सहयोग गरेको हाे। गत बुधबार जहरान कम्पनि मै पुगेर (ANB बैक ) टेलिमनी बैकका  रेमिट्यान्स कन्ट्री मेनेजर जीतेन्द्र थपलियाले सिटी एक्सप्रेसका तर्फबाट उक्त रकम पिडित सीता परियारलाई हस्तान्तरण गरेका थिए  ।

सहयोग कार्यक्रममा साउदीको रियाद स्थित अन्तर संस्था समन्वय समितीका अध्यक्ष तथा पारिवारिक समाजका अध्यक्ष  अमृत पौडेल ,ज्वाला थपलिया ,लक्ष्मी पौडेल लगायतको  उपस्थितिमा रकम हस्तान्तरण गरिएको थियो।

“जहा नेपाली त्यँहा सिटी एक्सप्रेस “ स्लोगान सहित नेपाल रेमिट लागि भरपर्दो  सिटी एक्सप्रेसले बिगतका दिनहरुमा साउदी बिभिन्न समस्यामा परेका पिडीतहरुलाई सहयोग गर्दै आइरहेको छ। साउदी अरबको रियादमा केहि महिना अघि अलपत्र २५ जना नेपालीलाई सिटी एक्सप्रेस साउदी अरबले एक महिना पुग्ने खाद्यान्न लगायतका सामग्रीहरु उपलब्ध गराएको थियो । मेनेजर थपलिया साउदीमा नेपाली समुदायको सहयोग लागि अग्रपंक्तिमा रहेको साउदी स्थित नेपाली समुदायले पिटि अनलाइन न्युजलाई बताए ।

थपलियाले गत बर्षको दशै तिहारमा “न यति न उति “भन्ने बम्पर उपहार साउदी अरबको टेलिमनी जुबेल ब्रान्च देखि नेपालको सिटी एक्स्प्रेसमा पैसा पठाएर रु १० लाख जित्नु हुने जागेश्वर भुस्खुलिया यादबलाई  उनकै काम  गर्ने कम्पनीमै गइ  बधाई तथा शुभकामना दिएर बधाई सेलिब्रेशन समेत दिएका थिए।